‏وانا اللي مـن جنوبـي لاشمالـي

اسعد الله اوقاتكم






على ذكـر الوليـف اللـي جفانـي
جــزاه الله مـثـل الـلــي جـزانــي


الأسم اللي مـن الأسمـاء ذكرتـه
وماتت باقي الأسماء في لساني


حفظتـه عـن ظهـر قلـب وبنيـتـه
بضـاهـي بــه طـويـلات المبـانـي


وإثـر مـن عـاش بأوهـام الحبايـب
يــودي عـشــر ويـرجــع ثـمـانـي


أكـــذب نـــاس قـالــوا لاتـمـنــى
تــرى مــوت الأمـانـي بـالأمـانـي


طعـنـي بالـفـراق وصـــد عـنــي
تـركـنـي عـلـنـي وإلا عـسـانــي


وانا اللي مـن جنوبـي لاشمالـي
لعيـنـه كـلـي إخــلاص وتـفـانـي


عطيتـه درس فـي فـن التعـامـل
خلاصـة عـلـم الأحـيـاء والبيـانـي


وعلمـتـه كــذا حـاجــه وحـاجــه
يـــارب لــــم أراك إنــــك تــرانــي


تـبـنـيـتــه ونـبــهــتــه لــديــنـــه
وعلمـتـه وش السـبـع المـثـانـي


نقلـتـه مـــن مـراحــل لـمـراحـل
حسب مايقتضي ظـرف الزمانـي


وعـلـمـتـه مــبــادئ الأبـجــديــه
وعـلـمـتـه تـفـاسـيـر الـمـعـانـي



وهـــو غـيــر الـقــراءه والـكـتـابـه


لنطق إسمه يبـي لـه ترجمانـي


وأنـــا لـــم أسـلـبـه مـثـقــال ذره
ولـــم أجـتــاز حـــدي وإيتـمـانـي


ويـــوم أنـــه تـبــواء لـــه مـكـانـه
لابو جده عطاني.. وش عطاني؟


جـحـد وأنـكـر وخــان الله يخـونـه
تناسـى عشـرة العمـر ونسـانـي


وذكــرّنــي كـــــلام ٍ مـانـسـيـتـه
قريتـه فــي كتـابـي الأصفهـانـي


أعـلـمـه الـرمـايــة كــــل يــــوم ٍ
فلـمـا أشـتــد سـاعــده رمـانــي





من اختياري