اصعب سؤال اللي جوابه للأسف مثله سؤال؟!!!!

(اصعب سؤال )اللي جوابه للأسف مثله (سؤال )!!
ما هو تفلسف!!الا موقف صار واسمع "ثاني بيت":

البارحه يومه سأل : ( وش ذكرك ذيك الليال ؟ )
كان الجواب بكل بساطه(من متى اصلا نسيت ؟)

ادري بان جمع ( الصعوبه والبساطه ) شي محال !!
لكنها صارت كذا !واللي ((اهم ))اني دريت

ان الحياه ف بعد احبابك اذا جف الوصال
اتعيشها لو تقتنع انك خلااص اصبحت ( ميت !!)

يا صاحبي لو كل شي يمر بالخاطر يقال
ما كانت العبره تــــولجني اليا منك طريت ؟!

شفني قدرت احبس دموعي بس (دمع القاف )سال
ويا كبرها ساكت ولكن داخل اوراقي بكيت !!

عمر الحكي ما كان دافي لاابتدى بقولة تعال
لجل اتجاهل رجفة حروفي اليامني حكيت ..

الحال في بعدك قسم بالله ما اسميه حال
انوي على الضحكه واحس كلي خطا لاني نويت ؟!

اتصور انك من رحلت اشوفك لجسمي ظلال
لا شفته امشي ببتعد واثره معي مهما مشيت !!

مدام يعني في بحرك لفرحتي مليون جال
وش فيه موجك ما ركد ؟ قربت اموووت وما رسيت ..

يرضيك ما عادت معي تفرق اذا جالك مجال
لاني اقتنعت انك نهايه واني ببطي ما بديت !!

صرت ( اعقد حجاجي ) اذا جابوك باطراف الجدال
وانا قبل لاقالوا اسمك كني :ميت ثم حييت ..

تعبت اعيش الدور وافتح للمعاذير الخيال
واتخيل اني جيت في بالك وبانك استحيت ..

وتردلي كلك ((وله ))وتقول (كن البعد طال ؟ )
ومن الفرح ما عاتبك واقول (ياخي مابغيت !)

حتى وانا تخيل حشمتك ! لن قلبي لا يزال
يكرر اسمك داخل اعماقي بنبضه لا سهيت ..

قلي شسوي فيك ؟ وانت بداخلي اصدق مثال
للحب واحساس القصيد ان عانق الليل وسريت ..

ربي يصبرني على الفرقا مدام الحظ مال
وانت بيجيلك يوم تعرف ليه في بعدك شكيت ..

واذا بلاك الله وعذبك اشتياقك (( بس تعال ))
واقرى القصايد في غيابك كلبوها بيـــت ...بيـــت ..

بتدري ان ( اصعب سؤال ) اللي يجي رده ( سؤال )
لا قلتلي ( وش ذكرك ؟ )ثم قلتلك ( متى نسيت ؟ )

من روائع الشاعر : محمد جار الله السهلي

اصعب سؤال اللي جوابه للأسف مثله سؤال؟!!!! B246

اصعب سؤال اللي جوابه للأسف مثله سؤال؟!!!! B246

بالعفل روووووووعه
ياحبي للهذي القصيده
رائعه بكل ماتحمله الكلمه
اسمحيني راح احط رابطها هنا
http://www.6rbtop.com/downram.php?song_id=32115&type=au&q=hi

شي جناااااااااااااااااااااااااااااااان يعطيك العافيه جودي على القصيده

تحياتي

شاكره لكم مروركم الرائع

» ‏وانا اللي مـن جنوبـي لاشمالـي
» الأن طريقة ضبط الدردشة اللي تجي مع الجوال
» ثلاث كلمات تنظف جهازك من الملفات اللي تبطئ الجهاز
» وصل للرقم عشره واغلي اللي تبغاه في براد شاااهي <<<لعبه للحاقدين هههههه ههههه